Të ecë në ty

TË ECË NË TY

Të ecë në ty, degët e thyera të ditëve
kërcasin me një kujtesë shurdhuese,
dritat e syve të tu janë fenerë të një autoveture
                         të mbetura ndezur pas një aksidenti,
të ecë në ty, qelqe ëndërrash më shpojnë tejpërtej dhe
                                             unë e humb orientimin.

Të ecë në ty, koha e ka ndalur rrjedhën,
hëna është si një thelë pjepri e pambaruar së ngrëni,
                                       e hedhur në cep të kopështit,
dielli i rrokullisur në ledhin e një mëngjesi të harruar,
yjet e çrregulluar si qershitë e shpërndara nëpër barin
                                                              e oborrit.

Të ecë në ty, 
është e pamundur