Vitet që jetuam bashkë

VITET QË JETUAM BASHKË

Vitet që jetuam bashkë janë si një pyll i vogël që oshëtin 
                                                              nga  kujtimet.

Nën këta drurë vitesh, të drejtë e të papërkulur si

 statuja të dashurisë,

kalojmë tani

duke ndier të shushurijnë nën këmbë gjethet e ditëve
                                                                      që ikin

dhe kërcitjen e ndonjë dege të këputur e të tharë nga

                                                        mëritë e çastit.

Ende s’jemi thinjur.

Ende zemrat tona

mbushin me gjak të bollshëm fenerin e dashurisë që

                                                            drita e saj

                                              kurrë të mos shterë.