VIP-i
Ecën si i dalë prej intervistave.
Një autograf i shkëlqen
si një mikrofon mizë
i harruar te jaka e xhaketës.
Baloni i një buzëqeshje
i përhumb shikimin.
Edhe kur bie të flerë,
qenia e tij lundron
pa e fikur dritën e saj.
Krevati shndërrohet në një anije
me velat e çarçafëve që i fryn lavdia.
Zbret në kohë të tjera.
Beson se rastësisht
fati e hodhi midis nesh.
Nessun commento:
Posta un commento