........

martedì 14 maggio 2013

Era e akullnajave


















ERA E AKULLNAJAVE



Askush nuk e mban mënd  kohën kur nisi ai breshër 
                                                                        i rrëmbyer
sikur makina vetshkarkuese 
të zbraznin zhavor
mbi taracat e dëndura të qyteteve.

Ç’ti kishte ndodhur aksit të dheut?
Në ç’drejtim filloi të ecte koha?

Përpiqeshim të hapnim dyert
dhe e kuptuam se ishim të bllokuar brënda 
apartamenteve
si brënda piramidave të faraonëve.

Atëhere u sulëm të dilnim nga dritaret
duke rrëshqitur mbi rruzujt e breshërit
dhe me brritma kërkonim ekuilibrin e humbur.

Një diell i ftohtë fosfori u shfaq i ngrirë sipër nesh
sikur ta ketë flakur në qiell
me spazma nga gryka e vet
një vullkan i akullt.

Cila perëndi mori hakën e miteve
dhe e shndërroi botën në një lodër kibernetike?

Sa shekuj do të na duhen
që të mbërrijmë në stinët e dikurshme?


Si do ta rikthejmë drejtpeshimin tonë?

2013

Nessun commento:

Posta un commento