Një poeteje të re

NJË POETEJE TË RE

 Mbaje, të lutem, nurin femëror në poezi,

mos u përzje me ato që këndojnë me një zë mashkullor

            dhe i bashkohen një kori baritonësh.

Ruaje me këmbëngulje afshin e vargjeve të tua.

Është një avull dehës, i parezistueshëm.

një avull femëror,  sensual,  prej Safo-je

Mos u druaj të rrëfesh veten tënde,

duke hedhur penelata të rrëmbyera plot nerv,

duke na spërkatur me ndjenjat e tua si një përrua që

 përplaset rrokopujthi mbi shkëmbinjtë.  

As që ke kohë të kthehesh mbrapa e të  pendohesh për

 ndonjë pasazh të nxituar,

as që lodhesh të na mbushësh mendjen për ato që  thua.

Në duart e mia - skanimi i tejdukshëm i shpirtit tënd.